logo-mini

لڑکیوں کے لئے کچھ احتیاطی تدابیر

لڑکیوں کے لئے کچھ احتیاطی تدابیر

ﺍﻟﺴَّـــــــﻼَﻡُ ﻋَﻠَﻴــــﻜُﻢ ﻭَﺭَﺣﻤَﺔُ اﷲ ﻭَﺑَﺮَﻛـَـﺎﺗُﻪ

میری بہنو غور سے میری بات سنو میں اپنے اور بہت سی بہنوں کے تجربات و تجزیات کی روشنی میں آپ کو کچھ حقائق سے آگاہ کرنا چاہتی ہوں یہ تحریر ضائع نہ کرنا، بلکہ اس کو ہر عورت تک پہنچانے کی کوشش کرنا، یہ بہت زیادہ محنت اور تجربات کا نچوڑ ہے

تحریر کچھ طویل ہے مگر بہت عرصہ کے ریسرچ و حقائق کے بعد لکھی گئی ہے، پورا ضرور پڑھیں اور سمجھیں،میرا مقصد صرف آپ کو نقصان سے بچانا ہے، کوئی نصیحت یا تقریر کرنا نہیں، نہ اس آرٹیکل کی پزیرائی مقصد ہے، نہ ہی آپ کو ڈرانا، صرف چاہتی ہوں کہ آپ سب مضبوط اور محتاط رہیں

آپکی عزت بہت قیمتی ہے کسی کے بھی جھانسے میں مت آؤ، ان بکس میں کسی سے غیر ضروری بات نہ کرو، ان بکس ایک کمرہ ہے، جہاں پوشیدہ بات ہوتی ہے،چاہے کوئی کتنا بھی تمھیں بہن بنا کر بات کرے یا بیٹی، حاجی ہو یا حافظ، اس کی آئی ڈی جتنی مرضی قابل بھروسہ لگے، چاہے ایک عرصہ سے آپ جانتی ہو اس کو

چاہے کوئی جتنا بھی بچہ ہو یا بوڑھا، ہر صورت میں تم صرف یہ یاد رکھو کہ اللّٰه نے تمہیں اپنی حفاظت کا حکم دیا ہے تو وہ تمہارے لیے ہی نعمت ہے تم اگر ان کا خیال رکھو گی تو اس میں صرف تمھارا فائدہ ہے اﷲ کا اس میں کوئی فائدہ نہیں جو تم پر پابندی لگائے

یہ اصول اور احکامات صرف تمہاری عزت کی حفاظت کی خاطر اور تمھارے پیار کی خاطر ہیں

اﷲ تعالیٰ نے تو ہر نامحرم سے فاصلے کا تمہیں حکم دیا

میں یہ نہیں کہتی کہ کوئی بھی مرد قابل بھروسہ نہیں اور ہر کوئی دھوکہ ہی دے گا، لیکن جس پر تم بھروسہ کرو وہ اگر تمھیں دھوکہ دے دے، تو اس نقصان کا کون ذمہ دار ہوگا، کون جواب دہ ہوگا؟

یہ بھی مت کہنا کہ مجھے اپنے دل کا پتہ ہے ، مجھے خود پر یقین ہے ، میری نظر صاف ہے ، میرا دل صاف ہے، ان باتوں سے خود کو دھوکے میں مت رکھنا، حضرت یوسف علیہ السلام نے پیغمبر ہوکر بھی یہ دعویٰ نہ کیا تھا، نہ دنیا کی سب سے زیادہ باپردہ خاتون سیدہ فاطمہ الزہرہ رضی اﷲ تعالیٰ عنہ نے ایسا کوئی دعویٰ کیا تھا

فلرٹڈ مردوں کی کچھ علامات

@ تنہائی، اداسی یا شاعری کا لیبل لگا کر دکھی آتما جو خود کشی کرنے والے ہوں کا ڈرامہ کرکے ہمدردی سمیٹ کر بات کرتے

@ کچھ تو کئی سال محنت کرتے رہتے ہیں ایک پروجیکٹ سمجھ کر

@ کچھ مرد کسی لڑکی کی بیوفائی کا بدلہ لینے کی خاطر

@ کچھ پیسوں کی خاطر

@ اکثر مردوں کا صرف دل لگی کی خاطر

مختلف طریقہ واردات کرتے

@ کوئی اپنے سابقہ کرش کی داستان سنا کر

@ یا اپنی موجودہ بیوی کی نجائز یا جائز برائی کرکے ہمدردی حاصل کرتے

@ کچھ آپ کی پوسٹس کی یا آپ کی تصاویر، یا آپ کے اخلاق کی تعریف کرکے،یا کچھ سوال پوچھنے کی خاطر، مدد مانگتے ہوئے

@ کوئی دوسری عورتوں کی بہت تعریفیں اور حمایتی شاعری کے ذریعے

@ کچھ مرد عورتوں کی عزت اور اسلامک پوسٹ لگا لگا کر

@ کچھ بہت زیادہ دعائیں دیتے ہوئے

@ کچھ میں ایسا نہیں جیسی پارسائی کی قسمیں کھاتے ہوئے،یا آپ سب سے مختلف لگی ہیں کہہ کر

@ کوئی جنس تبدیل کرکے لڑکی کی آئی ڈی بات کرتے ہوئے ایک دن لڑکا بن جاتا ہے

@ کوئی خود کو فوجی یا آئی ایس آئی کا بتا کر، کچھ واقعی ہوں گے بھی، لیکن پھر بھی اعتبار نہ کریں، کیونکہ وہ وطن اور اپنوں کے لئے وفادار ہوں گے، لیکن بہر صورت وہ بھی انسان ہیں، اچھائی و برائی، بلکہ باقی کی نسبت احساس و جذبات سے عاری ہوتے ہیں

@ کوئی بھائی یا انکل بن کر بہن یا بیٹی کا رٹا لگاتے ہوئے

@ کوئی بہت بڑی بڑی قسمیں اور دعویٰ کرتے ہوئے

@ کچھ لڑکیاں بھی ایسی ہیں جو لڑکا بن کر مذاق یا دل لگی کے نام سے بیوقوف بناتی رہتی

کوئی جتنی مرضی قسم کھالے آپ غیر ضروری بات نہ کریں بلکہ کوشش کریں کہ نہ ہی کریں، کیونکہ ہلکی پھلکی بات کرتے کرتے کب زیادہ کرنے لگ جاتے پتہ نہیں چلتا

اپنی زندگی کو بے سکون اور جہنم نہ بنائیں، کیونکہ ایسے لڑکے یا لڑکیاں کسی کا بدلہ کسی اور سے لیتے پھرتے، ان کو جتنا سمجھائیں گے ان کو مزید ضد ہوگی

منع کریں گے میسجز کرنے پر الٹا وضاحتیں پیش کرنی شروع کردیتے ہیں کہ میں اس قسم کا نہیں میری اتنی بہنیں ہیں گھر میں وغیرہم

میں اس قسم کا نہیں ہوں ، میں عورتوں کی بیحد عزت کرتا ہوں وغیرہم

@ اکثر لڑکیاں اپنی تصاویر سے ماڈلنگ کرتی پھرتی

@ کچھ چہرہ کاٹ کر لگاتی، بہنو حکم چہرے کے پردہ کا نہیں بلکہ جسم کا ہے۔

پھر وہی بہنیں تعریف سن کر خوش ہوتی، چاہے اصل میں اس تصویر سے بالکل مختلف ہوں، اور اگر کوئی نازیبا الفاظ استعمال کرے تو چیختی ہیں،

میری بہنو! کون کس قسم کا ہے، لاکھ قسم کھائے یا یقین دلائے، چاہے کوئی قرآن یا کعبہ کی قسمیں ہی کیوں نہ کھائے، پھر بھی یقین نہ کرنا

جتنے مرضی عرصہ سے تم جانتی ہو، ملی ہو یا نہ ملی ہو، صرف اپنی حفاظت کی فکر کرو، کیونکہ تم قیمتی ہو، اﷲ کی نظر میں، اپنی نظر میں ایک بار گر گئی تو پھر کبھی بھی خود سے نظر نہ ملا پاؤ گی، جیتے جی زندگی جہنم بن جائے گی، اﷲ تعالیٰ کو ناراض کرکے کبھی بھی سکون نہیں ملے گا

کوئی جیسا بھی ہو صرف وہ آپ کا نامحرم ہے

چاہے جتنا مرضی مخلص ہو یا سگا ہو، اپنی ذات سے زیادہ قیمتی کچھ نہیں، زیادہ ہی کوئی فورس کرے تو ایک جملے پر بات ختم کردیں کہ سیدھی طرح سے رشتہ بھیجو یہ میرے باپ یا بھائی کا نمبر ہے ان سے بات کرو، مجھ سے شادی کے بعد ہی بات کرنا

اﷲ تعالیٰ ہم سب کو ہر طرح کے اور ہر ایک کے شر اور غلبے سے نجات عطا فرمائے اور محفوظ رکھے۔ آمیـــن ثــم آمیــن ياربـــــــ العـــالمـــین

شاید کہ اتر جائے تیرے دل میں میری بات

ایک زندگی بھی برباد ہونے سے بچ جائے تو بھی بہت ہے کہ ایک جان بچانا پوری انسانیت بچانا ہے، اسی طرح ایک جان برباد کرنے والے پوری انسانیت کا قتل کرتے ہیں

جو مرد حضرات اس قسم  کے نہیں ہیں ان سے معذرت اور جو ہیں وہ اپنے گھر کی عورتوں کی حفاظت کی خاطر خاص طور پر اپنی عاقبت کی خاطر اپنا احتساب ضرور کیجئے

مطلوب دعا۔۔۔ و دعاگو ۔۔۔ آسیہ روبی

قُل لِّلْمُؤْمِنِينَ يَغُضُّوا۟ مِنْ أَبْصَٰرِهِمْ وَيَحْفَظُوا۟ فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ ٱللَّهَ خَبِيرٌۢ بِمَا يَصْنَعُونَ
Qul lilmumineena yaghuddoo min absarihum wayahfathoo furoojahum thalika azka lahum inna Allaha khabeerun bima yasnaAAoona
مسلمان مردوں کو حکم دو اپنی نگاہیں کچھ نیچی رکھیں اور اپنی شرمگاہوں کی حفاظت کریں یہ ان کے لیے بہت ستھرا ہے، بیشک اللہ کو ان کے کاموں کی خبر ہے،
Command the Muslim men to keep their gaze low and to protect their private organs; that is much purer for them; indeed Allah is Aware of their deeds.
(24 : 30)
وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَٰنُهُنَّ أَوِ ٱلتَّٰبِعِينَ غَيْرِ أُو۟لِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُوا۟ عَلَىٰ عَوْرَٰتِ ٱلنِّسَآءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوٓا۟ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ
Waqul lilmuminati yaghdudna min absarihinna wayahfathna furoojahunna wala yubdeena zeenatahunna illa ma thahara minha walyadribna bikhumurihinna AAala juyoobihinna wala yubdeena zeenatahunna illa libuAAoolatihinna aw abaihinna aw abai buAAoolatihinna aw abnaihinna aw abnai buAAoolatihinna aw ikhwanihinna aw banee ikhwanihinna aw banee akhawatihinna aw nisaihinna aw ma malakat aymanuhunna awi alttabiAAeena ghayri olee alirbati mina alrrijali awi alttifli allatheena lam yathharoo AAala AAawrati alnnisai wala yadribna biarjulihinna liyuAAlama ma yukhfeena min zeenatihinna watooboo ila Allahi jameeAAan ayyuha almuminoona laAAallakum tuflihoona
اور مسلمان عورتوں کو حکم دو اپنی نگاہیں کچھ نیچی رکھیں اور اپنی پارسائی کی حفاظت کریں اور اپنا بناؤ نہ دکھائیں مگر جتنا خود ہی ظاہر ہے اور وہ دوپٹے اپنے گریبانوں پر ڈالے رہیں، اور اپنا سنگھار ظاہر نہ کریں مگر اپنے شوہروں پر یا اپنے باپ یا شوہروں کے باپ یا اپنے بیٹوں یا شوہروں کے بیٹے یا اپنے بھائی یا اپنے بھتیجے یا اپنے بھانجے یا اپنے دین کی عورتیں یا اپنی کنیزیں جو اپنے ہاتھ کی ملک ہوں یا نوکر بشرطیکہ شہوت والے مرد نہ ہوں یا وہ بچے جنہیں عورتوں کی شرم کی چیزوں کی خبر نہیں اور زمین پر پاؤں زور سے نہ رکھیں کہ جانا جائے ان کا چھپا ہوا سنگھار اور اللہ کی طرف توبہ کرو اے مسلمانو! سب کے سب اس امید پر کہ تم فلاح پاؤ،
And command the Muslim women to keep their gaze low and to protect their chastity, and not to reveal their adornment except what is apparent, and to keep the cover wrapped over their bosoms; and not to reveal their adornment except to their own husbands or fathers or husbands' fathers, or their sons or their husbands' sons, or their brothers or their brothers' sons or sisters' sons, or women of their religion, or the bondwomen they possess, or male servants provided they do not have manliness, or such children who do not know of women's nakedness, and not to stamp their feet on the ground in order that their hidden adornment be known; and O Muslims, all of you turn in repentance together towards Allah, in the hope of attaining success. (It is incumbent upon women to cover themselves properly.)
(24 : 31)

Asiya Ruby

لوحِ قلم کا مقصد آپ کی حوصلہ افزائی کرنا ہی نہیں بلکہ آپ کے یقین اورسوچ کومضبوط کرنا او معلومات پہنچانا ہے آپ کی سوچ ، کامیابی ، خوشی ، راحت اور سکون تک رسائی میں سب سے بڑی رکاوٹ ہے۔ ایک سوچ تنکے کو بھی پہاڑ بنا سکتی ہے۔ وہی سوچ ایک پہاڑ کوتنکے کی .مانند کمزوربھی بنا سکتی ہے، یعنی آپ کی اپنی سوچ ہی ممکن کو ناممکن اور ناممکن کو ممکن بنانے کی صلاحیت رکھتی ہے۔ آسیہ روبی The purpose of the "LoheQalam" is not only to encourage you but also to strengthen your beliefs and thinking and to convey information The biggest obstacle is access to your thinking, success, happiness, comfort, and tranquility. One thought can turn straw into a mountain. The same thinking can make you as weak as a mountain, that is, your own thinking is capable of making the impossible possible and the impossible possible


Leave a Comment

Leave a Reply